ಆಚರಿಸುವ ಶುಭಕಾರ್ಯಕ್ಕೆ,
ಆತ್ಮೀಯವಾಗಿ ಸವಿನಯದ ಆಮಂತ್ರಣವ;
ವಿನಯದಿ ಕೋರಲು....,
ಸಂಕಟದ ಸಂಭಾಷಣೆಗೆ...,
ವೇದನೆಯ ನಿವೇದನೆಗೆ...,
ವೃತ್ತಿ ಬದುಕಿನ ವಿವರಣೆಯ;
ವಿನ್ಯಾಸದ ವೇದಿಕೆಗೆ...,
ಸಡಗರದ ಸ್ಥಿರತೆಯ ಕಾಪಾಡಲು;ಸ್ಮಾರಕವ ಸ್ಥಾಪಿಸಿ, ಹಂಚಿಕೆಯ ಹವಣಿಸಲು..,
ಪಣದಲ್ಲಿ ಗೆದ್ದ ಗೆಲುವಿಗೆ;
ಸಂಭ್ರಮದ ಛಾಯೆ ಮೂಡಿಸಲು...,
ಸೋತ ಸೋಲನು ಸೂಚಿಸಲು...,
ದ್ವೇಷವೆಂಬ ಕಿಚ್ಚಿನ ಕಿಡಿಗೆ,
ದರೋಡೆಯ ಜಾಲಕ್ಕೆ,
ಆ ಜಾಲ ಕಂಡ ಕಣ್ಮರೆಯ ಕಾಲುದಾರಿಗೆ
ಸಹಕರಿಸುವುದು...,
ಮೌನದ ಕದವ ತಟ್ಟಿ,
ಮನದ ಪಿಸುಮಾತನ್ನೆಲ್ಲಾ...,
ಪಿಸುಗುಡಲು....,
ಪರಿ ಪರಿಯಾಗಿ ವರ್ಣಿಸಲು...,
ಪರರ ಪರಿವೆಯಿಲ್ಲದೆ ಪೀತಿಸುವ ಮನದೊಳಗೆ
ಪ್ರೇಮ ಪರಿಧಿಯ ಪರ್ವವನಾಚರಿಸಲು.....
ಹೀಗೆ..............
ಹತ್ತು ಹಲವು, ಸಾವಿರ ಸಹಸ್ರಾರು
ಕಾರಣಗಳಿಗೆ ಸಂಚರಿಸುತ...
ಸುದ್ದಿಗಳ ನಿರ್ವಹಣೆಯ ನಿರ್ವಾಹಕನಂತೆ,
ಕಾರ್ಯ ನಿರ್ವಹಿಸುವ ಸಾಧಕ.
ಮಂಜಾನೆಯ ಶುಭೋದಯದಿಂದ...,
ಶಯನಕ್ಕೆ ಶುಭರಾತ್ರಿಯವರೆಗೆ.
